маъмуржон тухтасинов биография си
Ўзбекистон хабарлари
Узоқ йиллар жигар церрози билан оғриб, мана шу дард туфайли оламдан ўтган ҳофизнинг ўлими ҳақида бирорта расмий оммавий ахборот воситаларида хабар қилинмади. Бугунги “Ўзбекистон адабиёти ва санъати” газетасигина ҳофиз оиласига икки қаторлик таъзия чоп этди.
Маъмуржон Тўхтасини бетакрор овоз соҳиби ҳамда классик, мақом ва лирик қўшиқлар ижрочиси сифатида Бубур, Машраб ғазаллари билан айтиладиган қўшиқларни жонлантирган, бироқ сўнгги йилларда марказий ТВ орқали қўшиқлари янграмаётган, четда қолаётган санъаткорлардан бири эди.
У сўнгги марта НТТ (Нодавлат телеканаллари тармоғи) орқали 2011 йилда мухлисларга кўриниш берган.
Ўзбекистон Халқ артисти Маъмуржон Тўхтасинов 1958 йил 18 ноябрида Фарғона вилоятининг Олтиариқ туманида туғилган. Олтиариқ болалар мусиқа мактабида таълим олган. 1978-1980 йилларда ҳарбий хизматга чақирилган ва Ички ишлар вазирлиги тизимидаги Икромжон Бўронов раҳбарлик қилган ансамблда ҳарбий хизматни ўтаган.
1981-1985 йилларда Тошкент Давлат маданият институтида таҳсил олган. 1986-1996 йиллар давомида Олтиариқ маданият уйида бадиий раҳбар, мусиқа мактабида ўқитувчи бўлиб ишлаган.
1992 йилда Халқаро Бобур мукофоти совриндори бўлган. 1993 йилда унга “Ўзбекистонда хизмат кўрсатган артист”, 2000 йилда “Ўзбекистон Халқ артисти” унвони берилган.
Кун янгиликлари
Тошкентга келган АҚШ Давлат котиби ўринбосари фуқаролик жамияти вакиллари билан учрашди
Давлат котиби ўринбосари президент билан учрашувдан кечикиб келган. Шунингдек, Тошкентга келган Туркманистон президенти Бердимуҳамедов билан учрашиш учун фаоллар билан мулоқотни қисқартирган.
Туркманистон президенти Ўзбекистонга келди
Ўзбекистон президенти матбуот хизматининг билдиришича, Тошкент халқаро аэропортида Гурбангули Бердимуҳамедовни Шавкат Мирзиёев кутиб олди.
“Ҳамкорбанк”нинг Намангандаги банкомати 10 минг ўрнига 50 минг сўм чиқариб бергани тасдиқланди
“Ушбу хатолик банкоматдаги 10 минг сўмлик ва 50 минг сўмлик пул сотиш кассеталари алмашиб қолгани натижасида юзага келган. Ҳолат тезкорлик билан ўша куннинг ўзида хатолик аниқлангандан сўнг, 30 дақиқа ичида бартараф этилган”,— дейилади билдирувда.
Аввалроқ ижтимоий тармоқларда Намангандаги банкоматлардан бири 10 минг сўм ўрнига 50 минг сўм, 50 минг сўм ўрнига 10 минг сўм чиқариб бергани тўғрисидаги видео тарқалган эди.
Расмий Тошкент “халқаро кинофестивал” сифатида тақдим қилган тадбир якунланди
Кинематография агентлиги матбуот хизматининг билдиришича, танловда энг яхши деб топилган “Ипак йўлида” қисқа метражли фильми учун ёш режиссёр Шерзод Назаровга Гран При мукофоти топширилди. “Энг яхши эркак роли учун” Турсунбой Пиржонов, “Энг яхши аёл роли учун” Мадина Маҳмудова ва “бошқа номинациялар бўйича ғолиблар тақдирланди”.
Агентлик хорижлик киноижодкорларга ҳам «халқаро кинофестивалининг махсус статуэткаси ва эсдалик совғалари топширилгани” тўғрисида билдирди. Лекин уларнинг номини очиқламади.
Орадан бир неча соат ўтгач, Кинематография агентлиги фестивал иштирокчилари президент Шавкат Мирзиёев номига миннатдорчилик мактуби жўнатганини хабар қилди. Бироқ бу мактуб кимлар томонидан имзолангани очиқланмади.
“Ипак йўли” дурдонаси Тошкент халқаро кинофестивали расман совет даврида Ўзбекистон пойтахтини “Шарқ юлдузи” дея кўз-кўз қилган “Осиё, Африка ва Лотин Америкаси” кинофестивалининг давоми сифатида тақдим қилинган эди.
37 давлатдан 400га яқин киночилар ташриф буюрган фестиваль ташкилотчиларга кўра, анжуман ўзбек киноси ва Ўзбекистондаги янгиланишларни дунёга танитишга хизмат қилиши лозим эди.
Бироқ кузатувчилар мазкур кинофестивални “кино санъатига алоқаси йўқ ошпазлик ва гастрономик тадбир» сифатида баҳолади.
«Дубль 2»: Президент сайлови арафасида Тошкент киночиларга қизил гилам тўшади
Ўзбекистон президенти АҚШ делегациясини қабул қилди
Президент матбуот хизматининг билдиришича, учрашувда Ўзбекистон-АҚШ стратегик шериклигини янада ривожлантиришнинг долзарб масалалари кўриб чиқилди.
Америка томони Ўзбекистоннинг суверенитети, мустақиллиги ва ҳудудий яхлитлигини, шунингдек, амалга оширилаётган ислоҳотлар дастурини қатъий қўллаб-қувватлаши алоҳида таъкидланди.
“Шунингдек, Афғонистонда вужудга келаётган вазият юзасидан батафсил фикр алмашилди. Ўзбекистоннинг афғон халқига кўмаклашиш ҳамда қўшни мамлакатда узоқ муддатли тинчлик ўрнатилиши ва унинг иқтисодий тикланишига хизмат қиладиган лойиҳаларни илгари суриш борасидаги саъй-ҳаракатлари юксак баҳоланди”,-дейилади хабарда.
Тошкентдаги Романовлар саройи давлат ҳисобидан реконструкция қилинади
Икки қаватли дабдабали сарой реконструкция қилингани ортидан унга Ўзбекистон санъат музейи коллекциясида сақланаётган 500 экспонат жойлаштирлади.
Авваллари саройни безаб турган мармар ва бронза ҳайкаллардан ташқари 120 та тасвирий санъат асари, 75 та ҳайкал ва 20 дан ортиқ мебел жиҳозлари саройга қайтарилади.
Мазкур сарой 1891 йилда машҳур архитекторлар Александр Бенуа ва Вильгельм Гейнцельман лойиҳаси асосида барпо этилган.
1918 йилда вафот этган Николай Константинович Романов Россия императори Николай I нинг невараси, Россия императори Александр II нинг кичик укаси бўлган. У ўз уйини Тошкент музейига айлантириш шарти билан шаҳар аҳолисига ҳадя сифатида қолдирган.
1940-1970 йилларда мазкур бино “Пионерлар уйи” сифатида фойдаланилган. 1980 йилларда бу ерда Ўзбекистон антиқа ва заргарлик буюмлари музейи ташкил қилинган.
Хизмат кўрсатиш соҳасидаги айрим товарларга божхона имтиёзлари қўлланилади
Президент 30 сентябрда имзолаган “Хизматлар соҳасини қўллаб-қувватлашга оид қўшимча чора-тадбирлар тўғрисида”ги фармонга асосан Ўзбекистонга олиб кирилаётган айрим товарлар ва транспортлар учун божхона божи бўйича имтиёзлар 2024 йил 1 январгача узайтирилади.
Фармонда таъкидланишича, янги тиббиёт асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари, хусусий клиникалар учун янги тез тиббий ёрдам автомобилларига бож имтиёзлари сақлаб қолинади.
Бундан ташқари белгиланган рўйхатларга кўра тематик хиёбонлар, меҳмонхона ва бошқа жойлаштириш воситаларини қуриш, қайта таъмирлаш ва жиҳозлаш учун асбоб-ускуналар, техника, хомашё, бутловчи буюмлар ва эҳтиёт қисмлар, қурилиш ва бошқа материаллар ҳамда ишлаб чиқарилганига 5 йилдан ортиқ бўлмаган, йўловчиларни ташишда фойдаланиладиган 8 ва ундан ортиқ ўриндиқларга эга транспорт воситалари ҳам ушбу рўйхатга киритлган.
Шунингдек, 2021 йил 1 октябрдан 2024 йил 1 январгача белгиланган рўйхат бўйича таълим ташкилотлари учун ўқув лаборатория ва махсус асбоб-ускуналар ва жиҳозлар, тақиқланмаган ўйин автоматлари, видеоўйинлар учун ускуналар ва боулинг учун автоматик ускуналар, янги стоматология ва косметология асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари ҳам божхона божидан озод қилинади.
МСК: Сайловчилар 14 октябрдан 20 октябргача муддатидан олдин овоз беришлари мумкин
Президент сайлови кунида яшаш жойида бўлиш имкониятига эга бўлмаган сайловчилар жорий йилнинг 14 октябридан 20 октябригача муддатидан аввал овоз бера оладилар. Бу ҳақда Марказий сайлов комиссияси матбуот хизмати маълумот тарқатди.
МСК қайдича, муддатидан олдин овоз бериш учун сайловчи сабабини кўрсатган ҳолда тегишли сайлов участкасига ариза билан мурожаат қилиши лозим.
Сайловчи томонидан тўлдирилган бюллетень, қонунчиликка мувофиқ, ёпиқ конвертда тегишли участка сайлов комиссиясининг сейфида сақланиши айтилмоқда.
Ўзбекистонда президент сайлови 2021 йилнинг 24 октябрига белгиланган.
ССВ: Ўтган кеча-кундузда 450 чоғли киши коронавирусга чалинган
Ўзбекистонда коронавирус инфекцияси қайд этилганлар сони, 2021 йил 3 октябрь ҳолатига кўра, 175 минг 715 нафарга етган.
Соғлиқни сақлаш вазирлиги маълумотига мувофиқ, кеча мамлакат ҳудудлари бўйлаб 448 киши коронавирусга чалинган.
ССВ ўтган кеча-кундузда коронавирусга чалинган беморлардан яна 2 нафари вафот этиб, коронавирус қурбонлари сони 1 минг 249 нафарга етганини қўшимча қилган.
Тошкентлик экологлар прокуратура биноси ёнидаги дарахтлар қонуний асосда кесилганини иддао қилишди
Тошкент шаҳрининг Чилонзор тумани Лабиҳовуз кўчасидаги дарахтлар туман ҳокимининг қарорига мувофиқ равишда кесилган. Бу ҳақда Тошкент шаҳар экология ва атроф-муҳитни муҳофаза қилиш бошқармаси ахборот хизмати маълумот тарқатди.
Аввалроқ Олий Мажлис Қонунчилик палатаси депутати Расул Кушербаев ўз Телеграм-канали орқали Тошкент шаҳар прокуратураси биноси олдида дарахтлар кесилгани, “шу ерда истиқомат қилувчи аҳолининг мурожаатида соғлом дарахтлар кесилиб, шу ернинг ўзида ўтин ҳолига келтирилаётгани айтилган”ини маълум қилган эди.
Қайд этилишича, ҳодиса ортидан вазиятга ойдинлик киритиш мақсадида Экология, Экопатрул ва ИИБ ходимларидан иборат махсус ишчи гуруҳи тузилиб, мурожаатда қайд этилган манзилда ўрганиш ишлари олиб борилган.
“Олиб борилган ўрганиш ишлари натижасига кўра, туман ҳудудидаги мавжуд табиий омиллар таъсирида касалланиб қуриган, инсон ҳаёти ва мол-мулкига хавф солувчи дарахтлар хатловдан ўтказилиб, хулоса асосида туман ҳокимининг қарорига мувофиқ қонуний тарзда ишлар амалга оширилганлигини маълум қиламиз”, дейилган тошкентлик экологлар хабарномасида.
Айни пайтда Тошкент шаҳар экология ва атроф-муҳитни муҳофаза қилиш бошқармаси Лабиҳовуз кўчасида қанча дарахт кесилганига аниқлик киритган эмас.
Пойтахтнинг Чилонзор туманидаги кўп қаватли уйлардан бирида газ портлади
Фавқулодда вазиятлар вазирлиги маълумотига кўра, ҳодиса етти қаватли уйнинг 36-квартирасида рўй берган.
Қайд этилишича, фавқулодда вазият оқибатларини бартараф этиш учун 5 та ёнғин-қутқарув экипажи воқеа жойига дарҳол етиб борган.
Вазирлик ҳодиса чоғида уйда яшовчилардан ҳеч ким жабрланмагани, қурбонлар йўқлигини, айни пайтда бир неча квартирага қисман зарар етиб, дераза ва эшиклар шикастланганини билдирган.
Ҳозирда портлаш сабаблари ўрганилаётганини урғулаган ФВВ ҳодиса ортидан 17 нафар уйи шикастланган фуқаро вақтинчалик меҳмонхонага жойлаштирилганини қўшимча қилган.
Вазир А. Комилов АҚШ Давлат котибининг ўринбосари билан афғон масаласини муҳокама қилди
Қайд этилишича, учрашувда томонлар Афғонистонда кенг миллий ярашув ва инклюзив ҳукуматни шакллантириш жараёнига кўмаклашиш, мамлакатда инсоннинг асосий ҳуқуқ ва эркинликларига риоя этилишини таъминлаш, гуманитар инқирознинг олдини олиш зарурлигини таъкидлаганлар.
Суҳбат чоғида савдо-иқтисодий ва сармоявий ҳамкорликни ривожлантириш масалаларига алоҳида эътибор қаратилган. Бўлажак қўшма тадбирлар жадвали ва ташкилий жиҳатлари, хусусан, Стратегик ҳамкорлик мулоқотининг биринчи йиғилишини ўтказиш масалалари кўриб чиқилган.
Учрашувда вазир Абдулазиз Комилов Ўзбекистонга Moderna ва Pfizer ширкатлари томонидан ишлаб чиқарилган 5 миллиондан ортиқ дозадаги вакциналарни беғараз аснода тақдим этгани учун Қўшма Штатларга алоҳида миннатдорлик изҳор қилган.
Тошкентга ташрифи доирасида Уенди Шерман бошчилигидаги АҚШ делегациясининг ўзбекистонлик фуқаролик жамияти фаоллари билан ҳам учрашиши кутилмоқда.
Ўзбекистон Қирғизистонга қарзга электр энергияси етказиб беради
Ўзбекистон Қирғизистонга куз-қиш мавсумида 750 миллион кВт/соат электр энергиясини етказиб берадиган бўлди.
Қирғизистон энергетика ва саноат вазири Дўсқул Бекмурзаевнинг айтишича, Бишкек Ўзбекистон етказиб берган электр энергияси учун ҳақ тўламайди. Олинган электр қуввати вазият барқарорлашгача, Ўзбекистонга қайтарилади.
Бундан ташқари, Ўзбекистон орқали Қирғизистонга Туркманистондан 500 миллион кВт/соат, Россиядан 2-3 миллиард кВт/соат энергия олиш бўйича музокаралар олиб борилмоқда.
Шунингдек, Қозоғистон ҳам кейинроқ қайтариб бериш шарти билан Қирғизистонга 900 миллион кВт/соат электр қуввати етказиб беради.
Тожикистон эса 1 октябрдан бошлаб Қирғизистонга кунига 1 миллион кВт/соат электр энергиясини етказиб бера бошлади.
Ўзбекистон ва Қозоғистоннинг бир қисмини суғориш мавсумида сув билан таъминловчи Қирғизистондаги Тўқтўғул сув омборида сув ҳажми кескин тушиб кетиб, 12,2 миллиард куб метрни ташкил қилгани ортидан мамлакат энергетик инқирозга учраши мумкин.
Ўзбекистон ва қўшни давлатлар Қирғизистонга электр энергиясини етказиб бериши натижасида Тўқтўғулда келгуси суғориш мавсуми учун етарли даражада сув тўплаш имконияти пайдо бўлади.
Ўзбекистон элчиси Толибон вазири билан авиақатновларни тиклаш масаласини муҳокама қилди
Кобулда Ўзбекистоннинг Афғонистондаги элчиси Ёдгорхўжа Шодмонов Толибон Ташқи ишлар вазири Мавлави Амир Хон Муттақий билан Тошкент ва Кобул ўртасидаги авиақатновларни қайта тиклаш масаласини муҳокама қилди.
Хабарда таъкидланишича, “Муттақий Ўзбекистон элчисига миннатдорчилик билдирди ва икки давлат ўртасидаги муносабатларни янада мустаҳкамлашга чақирди”.
Президент Шавкат Мирзиёев 17 сентябрда ШҲТ саммитида нутқ сўзлаб, халқаро ҳамжамиятни Толибон ҳукумати билан мулоқот ўрнатишга ва Афғонистоннинг хориж банкларида музлатилган активларини қайтаришга чақирган эди.
Ўзбекистон Толибон Афғонистон ҳукуматини босиб олганидан сўнг Кобулга гуманитар ёрдам жўнатган.
Коронавирусга чалинганлар сони 175 мингдан ошди
Қаршидаги ёнғинда уч киши ҳалок бўлди
Қарши шаҳридаги мебель цехида чиққан ёнғин оқибатида уч киши ҳалок бўлгани тўғрисида Қашқадарё вилоят фавқулодда вазиятлар бошқармаси маълум қилди.
Ёнғин пайтида ўт ўчирувчилар уч кишини цехдан олиб чиққан ва касалхонага жўнатган. Бироқ қутқарилган фуқаролар ўзларига келмасдан вафот этган.
Ёнғинда цехнинг 200 квадрат метр майдони ичидаги маҳсулотлар билан бирга ёниб кетган. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Қашқадарёда туғилган эгизакларга Шавкат, Миромон ва Мирзиё деб исм қўйилди
Чақалоқлар Қарши туманининг «Узуннаво» маҳалласида яшовчи Муродовлар оиласида дунёга келган.
Эгизакларнинг учаласи ҳам ўғил бола бўлиб, отаси Искандар Муродов Ўзбекистоннинг ҳозирги президенти шарафига ўғилларига Шавкат, Миромон, Мирзиё деб исм қўйган.
Муродовлар оиласида бундан олдин бир ўғил ва бир қиз ҳам бўлиб, улар беш фарзанднинг ота-онаси бўлишган.
Ўзбекистонда президент Шавкат Мирзиёев шарафига исм қўйилиши илк ҳолат эмас.
Бундан аввал Хоразмда, ундан олдин Бухорода бирваракайига туғилган уч ўғлига Шавкат, Миромон ва Мирзиё деб исм қўйган эди.
Қиз эгизакларга президентнинг рафиқаси ва қизлари исмини қўйиш, уларга маҳаллий ҳокимликлар совғалар берилиши анъанага айланган.
Ўзбекистонда Ислом Каримов президент бўлган даврларда эса янги туғилган эгизакларга Ислом, Карим, Абдуғани исмларини қўйиш урф бўлганди.
2013 йилда тўрт ўғил кўрган тошкентлик 33 ёшли Гулшан Ҳайдарова чақалоқларига Ҳасан, Ҳусан, Ислом ва Карим деб исм қўйган эди.
Бекмамбетов Ўзбекистонда мультфильм олмоқчи, Тошкентда анимация мактабини ҳам очмоқчи
Тошкентда ўтаётган Халқаро кинофестивалда Ўзбекистон Кинематография агентлиги, Шакен Айманов номидаги “Казахфильм” киностудияси ва режиссёр Тимур Бекмамбетовнинг “Базелевс” компанияси ўртасида Хўжа Насриддин ҳақида мультфильмни суратга олиш бўйича келишув имзонланган.
Келишувга кўра, мультфильм қисман Ўзбекистон ва Қозоғистонда суратга олинади.
“Базелевс” студияси, шунингдек, Ўзбекистонда икки анимация мактабини очади.
Россияда ижод қиладиган таниқли кинорежиссёр, Бекмамбетов ўтган аср оҳирларида Тошкентдаги “Илҳом” театри ва “Ўзбекфильм”да рассом бўлиб ишлаган. У Ҳолливудда ҳам ижод қилган.
Шу йил май ойида уч йил аввал Ўзбекистон президентининг қарори билан ташкил этилган “Мультипликацион фильмлар студияси” фаолияти “Ўзбеккино” раҳбарининг май ойидаги қарори билан тугатилган ва ходимлари ишдан бўшатилганди.
Мультипликацион фильмлар студияси нинг бир гуруҳ ходимлари “Ўзбеккино” раҳбариятини мультипликацияни йўқ қилишда айблаб чиқишганди.
“Ўзбеккино” Миллий агентлиги матбуот хизмати раҳбари Нозим Сафари Озодликка “Анимацион фильмлар студияси” ДУК томонидан яратилган, бунинг учун улкан давлат маблағлари сарфланган анимацион фильмлар ўзбек ёш томошабинлари эътиборини жалб қила олмаганини айтган.
Совет даврида халқаро совринлар олган ўзбек мультипликацияси, мутахассисларга кўра, кейинги чорак аср мобайнида ривожланмасдан қолиб кетди.
Қашқадарёда ўзини прокуратура ходими деб, одамларни чув туширган собиқ ИИБ ходими ушланди
Қашқадарё вилоятининг Муборак туманида ўзини прокуратура ходими деб таништириб, фуқаролардан алдов йўли билан пул олган икки собиқ ИИБ ходими ва унинг шериги қўлга олинган.
Улар бир эркакни Eriell компаниясига ишга киритиб қўйишини айтиб, алдов йўли билан 3000 доллар талаб қилган. Шундан 1000 долларни олаётган вақтида қўлга олинган.
Ҳозирда ушбу шахсларга нисбатан Жиноят кодексининг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари олиб борилмоқда.
Бундан аввал Facebook’да Шавкат Мирзиёев номидан саҳифа очиб, одамлардан пул ундирган шахс 3 йилга қамалгани ҳақида хабар берилганди.
Туркманистон президенти Гурбангули Бердимуҳамедов Ўзбекистонга келади
Туркманистон президенти Гурбангули Бердимуҳамедов 4-5 октябрь кунлари расмий ташриф билан Ўзбекистонда бўлади.
Бу ҳақда Ўзбекистондаги нашрлар президент маъмуриятига таяниб хабар берди.
Бердимуҳамедовнинг расмий ташрифи доирасида Тошкент шаҳрида Туркманистон-Ўзбекистон иқтисодий форуми ҳам ўтказилиши ҳам режалаштирилган.
Шу кунларда Ўзбекистонда туркман киноси кунлар ҳам ўтказилмоқда.
Туркманистон президентининг Тошкентга сафари режаланаётгани ҳақда Ўзбекистон президенти Шавкат Мирзиёев Қорақалпоғистонга борганида айтган, лекин, ташриф санаси маълум эмас эди.
“Яқинда дўстимиз, ҳурматли Гурбангули Бердимуҳамедов Ўзбекистонга ташриф буюради. Туркманистонлик дўстларимиз билан бирга “Туямўйин” гидроузелининг “Султон Санжар” дамбасини мустаҳкамлаш ҳисобига 1 миллиард куб метр қўшимча сув захираси яратилади”, – деганди президент Шавкат Мирзиёев.
Ўзбекистон ва Туркманситон раҳбарлари сўнгги бор август ойи бошида Туркманбоши шаҳрида учрашишган эди.
ИИВ: Фейсбукда Мирзиёев номи билан сохта аккаунт очган шахс 3 йилга қамалди
Facebook ижтимоий тармоғида Ўзбекистон Республикаси президенти Шавкат Мирзиёев номи билан сохта аккаунт очиб, фирибгарлик қилиб келган сурхондарёлик шахсга нисбатан суд ҳукми чиқарилди.
Бу ҳақда Тошкент вилояти ИИБ ахборот хизмати раҳбари Бобур Тўлаганов маълум қилди.
Суд ҳукмига кўра, судланувчи Facebook ижтимоий тармоғида Шавкат Мирзиёев номи билан сохта аккаунт очиб, сурхондарёликлар билан мулоқот олиб борган. Ўзини Президент администрацияси раҳбари сифатида таништирган сохтакор тармоқ фойдаланувчиларининг турли масалаларини “ҳал қилиб келган”.
Хусусан, фуқароларнинг банк кредитлари олиш ва уй-жой ажратишда ёрдам беришини айтиб, бунинг учун 50 минг сўмдан 1,5 миллион сўмгача маблағларни ўз пластик картаси орқали ўзлаштирган. Шу йилнинг февралида Тошкент вилояти ҳудудида ҳибсга олинган 39 яшар сурхондарёлик М.М. 3 йилга озодликдан маҳрум қилинган.
Шунингдек, фирибгарликда айбланган бу шахсга 3 йил давомида интернетдан фойдаланиш тақиқланган.
Оксана Чусовитина яна катта спортга қайтмоқда
«2022 йилги Осиё ўйинларига тайёргарлик кўришга қарор қилганимни барчага етказмоқчиман. Мен, шунчаки, фаолиятимни Ўзбекистон учун медалсиз якунлай олмайман» деб ёзди ўзининг Instagram саҳифасида Оксана Чусовитина.
Спорт гимнастикаси бўйича бир неча марта жаҳон ва Олимпиада чемпиони ўзининг келаси йил ўтказиладиган Осиё ўйинларида қатнашиш истаги борлигини таъкидлаган.
46 ёшли гимнастикачи шу йил Японияда ўтказилган “Токио-2020” ёзги олимпиада ўйинлари чоғида катта спорт билан хайрлашганини маълум қилган эди.
1992 йилги Барселонадаги ёзги Олимпиада ўйинлари шоҳсупасининг энг юқори ўрнини эгаллаган Чусовитина 2008 йилги Олимпиаданинг таяниб сакраш мусобақаларида кумуш медал билан тақдирланди. Фаолияти давомида 4 марта кумуш, 4 марта бронза медаллари билан тақдирланди.
У фаолияти энг узоқ давом этган спортчи ўлароқ, Гиннеснинг рекордлар китобига киритилган.
Коронавирусга қарши тўлиқ эмланганлар сони 4,5 миллион нафардан ошди
Ўзбекистонда коронавирусга қарши тўлиқ эмланган фуқаролар сони, жорий йилнинг 30 сентябрь ҳолатига кўра, 4 миллион 539 минг 621 нафарга етган. Бу ҳақда Соғлиқни сақлаш вазирлиги матбуот хизмати маълумот тарқатди.
Вазирлик коронавирусга қарши эмлаш тадбирлари бошланган апрель ойидан шу кунгача мамлакатда 20 миллион 781 минг 994 доза вакцинадан фойдаланилганини билдирган.
ССВ қайдича, кеча мамлакат бўйлаб 513 киши коронавирусга чалинган, шу тариқа хасталик юқтириб олганларнинг умумий сони 174 минг 408 нафарга етган.
ССВ ўтган кеча-кундузда коронавирусга чалинган беморлардан яна 3 нафари вафот этиб, коронавирус қурбонлари сони 1 минг 242 нафарга етганини қўшимча қилган.
Вазирликнинг маълум қилишича, сентябрь ойининг сўнгги кунида 69 нафар кишида пневмония аниқланган, 5 июлдан бери эса 27 минг 217 киши пневмонияга чалинган. Булардан 25 минг 458 нафари соғайиб чиққан, 232 нафари эса вафот этган.
Палов индекси: Тошкент шаҳри ва уч вилоятда ош қимматлади
Сентябрь ойида Ўзбекистон пойтахти ҳамда учта вилоятда ўтган ойга нисбатан палов нархи қимматлаган.
Давлат статистика қўмитаси ҳисоботига мувофиқ, ўтган ойда Тошкент шаҳрида ош нархи август ойига нисбатан 5,4 фоизга, Қашқадарё вилоятида 2,5 фоизга, Тошкент вилоятида 1,8 фоизга, Хоразм вилоятида эса 3,3 фоизга ошган.
Давстатқўм маълумотидан келиб чиқилса, сентябрь ойида паловнинг энг арзони Наманганда (бир порцияси 14 минг 714 сўм, бир килограмми 102 минг 998 сўм), энг қиммати эса Тошкент шаҳрида (бир порцияси 24 минг 250 сўм, бир килограмми 169 минг 750 сўм) бўлган.
Ўзбекистонда палов индекси ўтган йил бошидан бери юритиб келинади. Аввалроқ Давстатқўм палов индекси бошқа ўлкаларда бўлгани каби (мас., “Биг-Мак индекси” ёхуд “Оливье индекси” сингари) мамлакатда “шахсий инфляция” даражасини баҳолаш учун бир мезон бўлиши мумкинлигини билдирган.
Енгил жиноят билан қамалиб чиққанларнинг фарзанд асраб олишига рухсат берилади
Қайд этилишича, Ўзбекистон қонунчилигида жорий қилинган фарзандликка олиш институтидан фойдаланилган ҳолда 2017 йилда 4 минг нафар бола суд тартибида фарзандликка олинган бўлса, 2018 йилда бу кўрсаткич 4,1 мингтани, 2019 йилда эса 4,3 мингтани ташкил этган.
“Бугунга келиб фарзандликка олиш истагида навбатда турганларнинг сони фарзандликка олганларга нисбатан анча юқорилигича қолмоқда. Оқибатда ноқонуний йўллар билан фарзанд асраб олиш, шу жумладан, бола савдоси билан боғлиқ ҳолатлар учрамоқда”, дейилган Сенат хабарномасида.
“Фарзандликка олиш тартибининг ҳуқуқий асослари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун фарзандликка олиш борасидаги ишлар таҳлили ҳамда қонунчиликда мавжуд тартиб-таомиллар билан боғлиқ бўшлиқларни бартараф этиш мақсадида ишлаб чиқилгани айтилмоқда.
Мазкур қонун қабул қилиниши билан бола ҳуқуқларининг ҳимоя қилиниши тўлақонли таъминланиши ва болаларни қонунга зид равишда фарзандликка олиш, айниқса бола савдосининг олдини олишга эришилиши урғуланган.