с праздником собора двенадцати апостолов

13 июля – праздник 12 АПОСТОЛОВ: поздравления с Собором 12 апостолов в картинках, приметы на Двенадцать апостолов

💛 13 июля – праздник 12 АПОСТОЛОВ –
💜 Поздравления с Собором 12 апостолов в картинках –
❤ Открытки Двенадцать апостолов –
💚 Приметы на 12 апостолов, обычаи, традиции (красят яйца и рядят куклу)

💒 13 июля – День чествование двенадцати апостолов (праздник 12 апостолов)

💒 13 июля – Собор славных и всехвальных 12-ти апостолов:

Петра,
Андрея,
Иакова Зеведеева,
Иоанна,
Филиппа,
Варфоломея,
Фомы,
Матфея,
Иакова Алфеева,
Иуды Иаковля (или Фаддея),
Симона Зилота и
Матфия.

13 июля праздник 12 АПОСТОЛОВ картины, фреска

13 июля День памяти Двенадцати апостолов

В этот день упоминают имена всех 12 апостолов ближайших учеников Иисуса Христа. В церковном календаре предусмотрены отдельные даты, которые посвящены каждому из этих апостолов. Так, накануне 12 июля христиане отмечают день Петра и Павла – известных миссионеров, донесших информацию о христианстве до многих стран и людей. А в день двенадцати апостолов чествуют их Собор.

Двенадцать апостолов – Апостолы Христа – 12 Апостолов картинки

✨ 12 апостолов

1. Андрей, брат Апостола Петра, рыбак из Вифсаиды, ученик Иоанна Крестителя
2. Пётр (сын Ионы), он же Симон Ионин также называемый Кифа (Каменная скала), брат Апостола Андрея
3. Иоанн (сын Зеведея), также прозванный Богословом, евангелист, брат Апостола Иакова. Вместе с братом прозван Иисусом «Сыны грома» (Воанергес).
4. Иаков Зеведеев (сын Зеведея), брат Апостола Иоанна
5. Филипп из Вифсаиды
6. Варфоломей уроженец Каны Галилейской, о котором Иисус Христос сказал, что это истинный Израильтянин, в котором нет лукавства
7. Матфей, мытарь, он же Левий Алфеев (объединение на основании параллелизма), евангелист
8. Фома, называемый Дидымус / Теом
9. Иаков Алфеев (сын Алфея), брат Фаддея, прозванный Праведным
10. Фаддей (сын Алфея), он же Иуда Иаковлев или Леввей, брат Апостола Иакова Алфеева
11. Симон Кананит, он же Симон Зилот
12. Иуда (Искариот), Иш (мужчина) из поселения Карийот), предавший Иисуса Христа.

Павел, он же Савл из Тарса призван после смерти Иисуса Христа. Он не входит в число двенадцати апостолов, но является одним из самых почитаемых (первоверховных) апостолов христианства. Павел, так же как и подавляющее большинство из двенадцати апостолов, умер мученической смертью.

Также в число двенадцати апостолов мог войти Варнава, когда была проведена жеребьёвка для замены Иуды Искариота между Матфием и Варнавой. Но жребий выбрал Матфия.

Кем были 12 апостолов до встречи с Иисусом

Все двенадцать апостолов до встречи с Иисусом Христом были обычными людьми, некоторые из них даже являлись язычниками. Став учениками Спасителя, они приняли знания от самого Господа. Именно они были до конца со Спасителем, а после отправились распространять веру Христа по соседним странам.

Апостолы посвятили свою жизнь проповедованию христианства и не отреклись от нее даже в мучительных пытках.

По Преданию, все апостолы от двенадцати, за исключением Иоанна Богослова и Иуды Искариота,умерли мученической смертью. Иоанн Богослов единственный, кто умер собственной смертью по старости.

Праздник Собора 12-ти апостолов не входит в число 12-ти главных праздников, но он не менее важен для всех верующих людей.

😇 Поздравления с Собором 12 апостолов в картинках – Открытки Двенадцать апостолов

13 Июля двенадцать апостолов – Праздник двенадцати апостолов – Собор 12 апостолов

Икона 12 апостолов – Собор святых славных и всехвальных 12-ти апостолов

Открытки двенадцать апостолов – Картинки с праздником 12 апостолов

Молитвы апостолов картинки

Открытки двенадцать апостолов – Открытка к празднику 12 апостолов

13 июля праздник в народном календаре: 12 АПОСТОЛОВ – обычаи и традиции (красят яйца)

🌺 12 апостолов в народной традиции: Середина или Макушка лета

💒 В народе праздник имел названия: Макушка лета (Проводы весны). Дата по старому стилю: 30 июня.

13 июля праздник Двенадцать апостолов припадает на самую жаркую пору. День крестьяне проводили на сенокосе, стараясь успеть заготовить как можно больше травы. Мужчины с заутреней и до темноты проводили в полях, на сенокосе. Вернувшись с работ домой, не забывали и о празднике. Вечером надевались лучшие наряды и начинались гулянья.

13 июля праздник 12 апостолов: обычаи, традиции – рядят куклу

Существует интересный обряд в некоторых регионах, связанный с ряженой куклой из соломы и камыша. Ее наряжали в сарафан, обвешивали бусами и с песнями, прибаутками носили по селению, распевая песни и чествуя летнюю пору. К ночи Ряженую разряжали и отправляли вплавь по водоему.

Традиции дня 12 апостолов 13 июля 2019: Красить яйца как на Пасху

На Двенадцать апостолов был обычай, как и на Пасхальное Воскресение, окрашивать яйца и угощать ими близких и соседей.

Окрашивать следовало в желтые цвета, для этого яйца варили в воде с добавлением ромашки, шафрана, моркови и луковой шелухи.

Также было принято готовить яичницу с добавлением зелени, сала, колбасы или рыбы.

Двенадцать апостолов – Гадания на 12 апостолов

Незамужние девушки в данный день устраивали ворожбу на своего суженного.

Они рвали 12 видов полевых цветов и выкладывали их на ночь под голову.

Если снился парень, то девушка ждала от него в будущем сватов.

Двенадцать апостолов – Приметы на 12 апостолов

☑ Знахари на Двенадцать апостолов занимались сбором трав и готовили из них лечебные снадобья.

☑ Если с утра в день 12 апостолов примечали небо, затянутое тучами, то после обеда готовились к осадкам.
☑ Беспокойство овец на лугах также сулило скорые дожди.
☑ Обилие утренней росы предвещало зной.
☑ Облака, плывущие за направлением ветра, извещали о спокойной теплой погоде, против ветра – о грозе.
☑ Крик кукушки слышали к долгой летней поре и затяжной осени.

Источник

История праздника

Праздник двенадцати Апостолов появился в IV веке от Рождества Христова, когда в церкви наряду с почитанием каждого апостола в разные дни года было установлено общее чествование всех апостолов Христа. Датой этого праздника избрали следующий день после празднования памяти первоверховных апостолов Петра и Павла.

В этот день вспоминаются все 12 первых учеников, апостолов Христовых, так называемый малый их круг. Это апостолы Петр, Андрей, Иаков, сын Заведеев, Иоанн, брат его, Филипп, Варфоломей, Фома, Матфей, Иаков Алфеев, Иуда Иаковлев или Фаддей, Симон Зилот и Матфий.

Двенадцатым апостолом вместо Иуды Искариота на Соборе апостолов был избран Матфий. По молитве апостолов Господь через жребий указал на него, как наиболее достойного принять апостольское служение.

Церковь не случайно с давних пор установила общее празднование апостолов. Ведь, по словам митрополита Антония Сурожского, именно апостолы, «научившись от Иисуса Христа любви, несли эту любовь в мир, даря ее всем людям».

За эту любовь их истязали, побивали камнями, сажали в темницы, всячески мучили. Ни один из апостолов, кроме Иоанна Богослова, не умер своей смертью: все они приняли мученическую кончину.

Император Константин Великий (306‑337) выстроил в византийской столице Константинополе храм во имя святых Двенадцати Апостолов.

Единственная в Москве церковь, освященная во имя этого праздника, находится в Кремле – это церковь Двенадцати Апостолов. Она была построена в середине XVII века по повелению патриарха Никона вместе с Патриаршими палатами и с тех пор стала домовым патриаршим храмом.

В 1917 г. в описании святынь храма упоминаются древний византийский двустворчатый образ Петра и Павла, писанный в Греции в XII или XIII веке и присланный папой Римским в дар Петру I; образ св. Николая Чудотворца «особой древности»; Черниговская икона Божией Матери 1658 г.

В начале 1990-х гг. храм передан РПЦ. Ежегодно 13 июля, в день Собора 12-ти Апостолов, в храме проводятся богослужения.

Апостолы – кто они?

Греческое слово «апостол» означает «посланник, слуга». Это праздник посланников, слуг Божиих. Он сам избрал их на служение людям, и они, оставив родных, дома и дела, неотлучно следовали за ним, разделяли его лишения и страдания и, исполняя его волю, проповедовали его учение по городам и странам.

Петр, первый епископ Римский — проповедовал в Никее, Сирии, Малой Азии, Сицилии, Коринфе, Испании, Карфагене, Египте, Британии. В 67 году распят в Риме вниз головой. Мощи его хранятся в Риме.

Андрей Первозванный, брат Петра — проповедовал в Византии, Фракии, Македонии, Малой Азии, Алании, Крыму, Причерноморье, на Руси. Около 62 года в Патрах распят на кресте в виде буквы Х. Часть его главы хранится в Амальфи.

Иаков Заведеев, брат Иоанна Богослова — проповедовал в Испании. Около 44 года при царе Ироде Агриппе I усечен мечом в Иерусалиме.

Иоанн Богослов, которому Иисус на кресте поручил заботиться о Своей Матери — проповедовал в Малой Азии, Иерусалиме, Ефесе, на острове Патмос. В начале II века (около 106 года) мирно скончался в Ефесе.

Филипп, земляк Петра и Андрея — проповедовал в Сирии, Малой Азии с апостолом Варфоломеем, а также в Греции, Аравии, Эфиопии, Фригии. Распят вниз головой в Иераполе (Фригия) в I веке. Мощи его хранятся в храме 12-ти апостолов в Риме, а рука — во Флоренции.

Варфоломей, призванный Христом четвертым вслед за Андреем, Петром и Филиппом — проповедовал в Сирии, Малой Азии — с апостолом Филиппом, потом в Индии и Великой Армении. В I веке в Баку распят язычниками вниз головой, потом его еще живым сняли с креста, содрали с него кожу и отрубили голову. Часть его мощей хранится в Риме.

Фома по прозвищу Близнец — проповедовал в Индии, Парфии, Мидии, Персии. В I веке в Индии скончался, пронзенный пятью копьями. Части его мощей хранятся в Индии, Италии, Венгрии и на Афоне.

Матфей, бывший мытарь Левий, первый евангелист — проповедовал в Македонии, Сирии, Персии, Парфии, Мидии, Эфиопии. В 60 году в Африке распят на земле и сожжен людоедами.

Иаков Алфеев, брат Иуды Иаковлева, а возможно и Матфея — проповедовал в Эдессе, Иудее, Газе, Южной Палестине, Египте. В I веке распят на кресте в Египте.

Иуда Иаковлев или Фаддей, сводный брат Иисуса Христа (сын Иосифа Обручника от первой жены) — проповедовал в Иудее, Галилее, Самарии, Идумее, Аравии, Сирии, Месопотамии, Персии. В Армении около 86 года распят на кресте и пронзен стрелами.

Матфий, избранный по жребию в число 12-ти вместо Иуды Искариота — проповедовал в Иудее, Колхиде, Македонии. Около 63 года побит камнями в Иудее. Глава его хранится в Риме, а часть мощей в Трире.

И только апостол Павел не вошел в число 12 избранных. При жизни Христа он был Савлом, ярым гонителем его учеников. Но Господь призвал его на апостольское служение, и он исполнил его так, что теперь вместе с Петром именуется первоверховным.

Народные традиции и обряды

Издревле наши предки во время данного праздничного события отмечали еще один праздник, который также был известен как макушка лета. В это время красили яйца, эта традиция имеет схожесть с празднованием Пасхи. Известно, что цвет яиц обязательно должен быть золотисто-желтым, поэтому использовали для покраски луковую шелуху или листья березы. Люди менялись яйцами, дарили их знакомым и близким, это традиция, которую нельзя было нарушать.

В народе тринадцатое июля также было известно как «яичный день». Такое необычное название было связано с многочисленными блюдами, которые люди в этот день готовили из яиц. Яйца жарили, варили, запекали, добавляя к ним овощи, мясо и рыбу.

Народ облачался в нарядные одеяния, а затем выходил на самую высокую горку в деревне и устраивал празднования, которые длились до самого утра. Люди веселились, трапезничали, водили хороводы и создавали соломенное чучело, которое также наряжали в праздничный костюм. Этот костюм обязательно должен быть дополнен нитками и цветами. Эту куклу затем бросали в реку, так народ прощался со всем плохим, что их преследовало.

Запреты дня

Известно, что в этот день нельзя ругаться, сквернословить, конфликтовать с кем-либо и обижаться на кого-то. Говорят, что если ослушаться запрета, то Господь может наказать этого человека, добавив ему много лишних хлопот.

Нельзя в этот день ходить в лес, особенно этот запрет распространялся на представительниц слабого пола. В народе говорили, что девушки могут заблудиться и попасть в чужие руки.

Нельзя тринадцатого июля, выходя из дома, сразу же смотреть на небо. Изначально вы должны посмотреть по сторонам, затем пройти несколько метров и только потом посмотреть на небо. Если ослушаться запрета, то можно впустить в свой дом темные силы, которые будут мешать вам на протяжении целого года.

В этот день рекомендуется проводить генеральную уборку, но нельзя работать в поле, иначе придет беда, от которой позже будет очень трудно избавиться.

Источник

Собор славных и всехвальных 12-ти апостолов

Дни памяти

Житие

Со­бор свя­тых слав­ных и все­х­валь­ных 12-ти Апо­сто­лов Хри­сто­вых яв­ля­ет­ся древним празд­ни­ком. Свя­тая Цер­ковь, че­ствуя каж­до­го из 12-ти апо­сто­лов в раз­ное вре­мя го­да, с дав­них вре­мен уста­но­ви­ла об­щее празд­но­ва­ние им на сле­ду­ю­щий день по­сле па­мя­ти слав­ных и пер­во­вер­хов­ных апо­сто­лов Пет­ра и Пав­ла († ок. 67). Све­де­ния о каж­дом апо­сто­ле приведены в день его су­гу­бой па­мя­ти.

Свя­той бла­го­вер­ный царь Кон­стан­тин Ве­ли­кий (306–337) по­стро­ил в Ца­рь­гра­де храм во имя свя­тых Две­на­дца­ти апо­сто­лов. Ука­за­ния на со­вер­ше­ние это­го празд­но­ва­ния встре­ча­ют­ся в IV ве­ке.

Богослужения

Молитвы

Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.

Перевод: Первенствующие из Апостолов и вселенские учителя, Владыку всего молите мир вселенной даровать и душам нашим великую милость.

Ка́мень Христо́с ка́меня ве́ры прославля́ет све́тло,/ ученико́в преизря́дна,/ и с Па́влом весь дванадесяточи́сленный собо́р днесь;/ и́хже па́мять соверша́юще ве́рно,// сих Просла́вльшаго прославля́ем.

Перевод: В сей день Камень – Христос прославляет торжественно камень веры, – превосходнейшего из учеников, и с Павлом весь двенадцатичисленный сонм, чью память совершая с верою, мы их Прославившего прославляем.

Молитва славным и всехвальным 12-ти апостолам

Влады́ко всемогу́щий, Го́споди Бо́же наш, избра́вый возлю́бленныя Своя́ ученики́ и Апо́столы на про́поведь спасе́ния всему́ ми́ру, да́вый им власть отпуща́ти грехи́, приими́ хода́тайства их о ро́де челове́ческом, его́же и суди́ти с ни́ми и́маши, тех са́мых, я́ко друго́в Твои́х, нам зело́ че́стных, дерза́ем, недосто́йнии, в предста́тельство к Тебе́, многопоспешеству́ющее ко спасе́нию душ на́ших, приводи́ти, моля́щи их усе́рдно. Святи́и первоверхо́внии апо́столи Пе́тре и Па́вле, евангели́сти Христо́вы Иоа́нне Богосло́ве и Матфе́е, первозва́нный учениче́ Андре́е, водруже́нием Креста́ Росси́ю благослови́вый, апо́столи святи́и Иа́кове, бра́те Госпо́день, со други́м Иа́ковом, Фили́ппе, Варфоломе́е, Фомо́, Си́моне, Иу́до и Матфи́е! Вси святи́и Богоизбра́нии апо́столи, изря́днейшии уго́дницы Христо́вы, безбо́жия искорени́телие и ве́ры и́стинныя насади́тели, помози́те нам мо́щным ва́шим пред Го́сподом хода́тайством, изба́витися от вся́каго зла и вра́жия ле́сти, тве́рдо сохраня́ти преда́нную ва́ми ве́ру Правосла́вную, в не́йже ва́шим предста́тельством ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́ и да сподо́бимся ви́дети блага́я на земли́ живы́х, сла́вяще Отца́ и Сы́на и Свята́го Ду́ха, Еди́наго в Тро́ице сла́вимаго и покланя́емего Бо́га, ны́не и при́сно и во ве́ки веко́в. Ами́нь.

Петра́, ве́рнии, ка́меня ве́ры, похва́лим/ и Па́вла Богому́драго,/ созыва́ют бо всех пра́здновати ве́рою,/ собо́рне вку́пе вся двана́десяте, я́ко пропове́дники ве́ре,// прося́ща грехо́в оставле́ния.

Каноны и Акафисты

Акафист святым двунадесяти Апостолам

Кондак 1

Избраннии самовидцы и свидетелие Слова воплощения, мира ловцы и сосуди Христовы благодати, Церкве пресветлыя звезды, вселенныя светильницы и проповедницы веры, яко лучами блистающии зарями духовными, всечестная двоенадесятице ученик Спаса Христа Бога, светоносную и преблаженную память вашу благочестно творим ныне. Вы же, яко Божественнаго света причастницы и дерзновение ко Христу имущии, молитеся Ему прилежно, да к свету богоразумия нас всех истинно наставит, в вере твердей укрепит и в мире глубоце соблюдет зовущих вам:

Радуйтеся, апостолов двоенадесятице, мира концы учением Христовым просветившии.

Икос 1

Ангельскую службу воплощенному нас ради Божественному Слову приносяще, вселенную всю обтекосте, святии апостоли, яко богопосланнии вестницы грядущаго миру спасения. Темже словом истины Христовы от словес ваших озареннии и благодатию Святаго Духа спасеннии чрез веру, вси концы мира от дний древних и до днесь немолчно восхваляют вас сице:

Радуйтеся, вселенныя светильники;

радуйтеся, благославнии трубы.

Радуйтеся, твердыя веры проповедники;

радуйтеся, учений небесных благовещаннии сказатели.

Радуйтеся, церковнии столпи;

радуйтеся, разорители идольския лести.

Радуйтеся, избраннии понести пред языки Божественное имя.

Радуйтеся, апостолов двоенадесятице, мира концы учением Христовым просветившии.

Кондак 2

Видяще Господа Славы, в зраке раба во плоти пришедшаго, и слышавше Того Предтечею свидетельствуема Агнца Божия быти, грех мира вземлющаго, вся в мире оставльше, вслед Того устремистеся, согласно вси поюще тако изволившему о вас Богу: Аллилуиа.

Икос 2

Разумнаго восхождения от дольних на горняя явили есте образ, богомудрии апостоли, егда домы, братию и имения своя во уметы вменили есте и востекли, себе отвергшеся, стезею правою к тесным вратом Царствия Христова. Того ради достойно слышите от всех сицевая:

Радуйтеся, вина раствореннаго премудростию Божией на трапезе духовней полезно вкусившии;

радуйтеся, губительное безумие жизни привременныя по гласу, вы звавшему, без сумнения всякаго оставльшии.

Радуйтеся, сокровище духовное на селе при пути вашем обретшии;

радуйтеся, бисера добраго мыслию сердца вашего искавшии.

Радуйтеся, на рало Христово руце ваша несумнительно и твердо волею своею возложшии.

Радуйтеся, апостолов двоенадесятице, мира концы учением Христовым просветившии.

Кондак 3

Силою свыше укрепленнии, всемудрии апостоли, благоразумием вашим и огнем духовным всякую вражию прелесть попаливше, человеческий род верою просветили есте. Темже молим вы: омраченная грехми души наша просветите, да воспрянем еже пети Богу: Аллилуиа.

Икос 3

Имуще премудрость вселенную всю словом спасительным просветити, озарили есте во тьме и сени смертней седящия люди; просветите убо и наша души, омраченныя мраком страстей, да восхвалим вас тако:

Радуйтеся, светильницы востока мысленнаго, тьму неразумия прогнавшии верою;

радуйтеся, напоившии землю струями Божественных вещаний.

Радуйтеся, живоносным током словес Христовых орошающии нас бедствующих зноем скорбей;

радуйтеся, возбраняющии лукавым помыслом омраченнаго сердца нашего.

Радуйтеся, мрежею благодати из глубины потопляющих нас сует мира сего любовию всех, с верою взирающих к вам, возводящии.

Радуйтеся, апостолов двоенадесятице, мира концы учением Христовым просветившии.

Кондак 4

Бурею внутреннею и волнами морскими иногда в корабли обуреваеми, святии апостоли, ко Христу вопиясте: «Учителю, спаси ны, погибаем!». Приявше же того всемогущую помощь, явистеся по благодати, вам данней, сами всех кормчии, к благотишному пристанищу надежно приводящии. И нас, в пучине зол бедне мятущихся и напастьми житейскими присно колеблемых, управите ко брегу безстрастия, идеже всеми спасаемыми поется Богу: Аллилуиа.

Икос 4

Слышавше от Пастыреначальника и Господа вашего призывающее слово: «Жатва убо многа, делателей же мало; молитеся убо Господину жатвы, яко да изведет делатели на жатву Свою», исполнишася, блаженнии апостоли, огнепальною ревностию сему делу Христову послужити, благословеннии на подвиг сей, обтекосте грады и веси многия, благовествующе Евангелие Царствия, исцеляя всяк недуг и всяку язю в людех. Умолите убо, яко вратарие Божественнаго Царствия, и нам спасение обрести, со умилением зовущим вам тако:

Радуйтеся, добрии вестницы Христовы, сослужебницы мысленным чином;

радуйтеся, иже от рыбарей умудреннии паче риторов.

Радуйтеся, трубы Христовы благогласнии, ко пристанищу спасения вся привлекшии;

радуйтеся, Пастыря добраго богоизбранныя овцы, волков мысленных во овчую кротость верою преложившии.

Радуйтеся, уста огнедухновенная Христовы, от уст имущаго поглотити нас врага избавляющии.

Радуйтеся, апостолов двоенадесятице, мира концы учением Христовым просветившии.

Кондак 5

Боготечныя звезды, светлостьми Божественных добродетелей сияющии, явистеся, всехвальнии апостоли, яко солнце имуще, земныя концы обновисте. Светлым блистанием вашим убо и нас озарите и страстей избавите всех вопиющих Богу: Аллилуиа.

Икос 5

Видевше, апостоли святии, во образе человечестем Владыку мира и Сына Божия, усты первоверховнаго апостола Петра Христа проповедасте, и Той яко откровение Отчее исповедание ваше приемый. Сего ради и мы, во исповедании вашем утвердившеся, ублажаем вас тако:

Радуйтеся, богоозареннии исповедницы неизреченныя Божественныя славы воплотившагося Слова;

радуйтеся, с небес приемшии благодать богословия Христова.

Радуйтеся, мир вещании вашими соблюдшии;

радуйтеся, яко от Самаго Господа ублажени бысте во исповедании вашем.

Радуйтеся, яко от Него приясте Божественную власть вязати и решити грехи человеков.

Радуйтеся, апостолов двоенадесятице, мира концы учением Христовым просветившии.

Кондак 6

Проповедание Владыки и Господа своего, яко подобает Ему много во Иерусалиме пострадати от старец, и архиерей, и книжник, и убиену быти, слышавше, дивистеся зело, недоумеюще, како сбудутся писания о славе и чести Сына Человеческаго. Вразумленнии же, яко не человеческою мыслию, но неисповедимою волею Отца Небеснаго путие вси в мире исправляются, научистеся смиренно пети Богу, благоволившему тако о Сыне своем: Аллилуиа.

Икос 6

Возсия солнца светлее на Фаворстей горе слава Божественнаго зрака Христова пред вами, святии апостоли, онем убо избранным, на гору совозшедшим. Темже Моисея и Илию видевше, во облак светел вшедшия, и глас Отчаго свидетельства о Единороднем Сыне с небес слышавше, толикия благодати небеснаго озарения сподобльшимся, усердно возглашаем сице:

Радуйтеся, в неприступнем свете Христа на Фаворе облиставшася зревшии;

радуйтеся, от Отца свидетельствуема Сына Божия слышавшии.

Радуйтеся, Моисея и Илию, явльших Христово Божество, на горе славы сретившии;

радуйтеся, беседою тех о исходе Христа, во Иерусалиме быти хотящем, просвещеннии.

Радуйтеся, премирныя славы Христовой сообщницы.

Радуйтеся, апостолов двоенадесятице, мира концы учением Христовым просветившии.

Кондак 7

Хотя душепитательную уготовати миру трапезу Животворящаго Тела и Крове Cвоея Господь всех и Зиждитель, предъизобрази всесвятое свое заколение и безсмертия чашу в проповедании о хлебе жизни вечныя, и егда мнози слышавшии слово сие роптаху и блазняхуся и вспять идяху от Христа, вы, апостоли блаженнии, усты Симона Петра единомысленно рекосте: «Господи, к кому идем? Глаголы живота вечнаго имаши, и мы веровахом и познахом, яко Ты еси Христос, Сын Бога Живаго». Сие исповедание ваше ублажающе, тепле припадем ныне к Богу, поя Ему: Аллилуиа.

Икос 7

Новыя Божественныя Пасхи, не от Египта, но от Сиона грядущия, причаститися сподобистеся, богоблаженнии апостоли, и омысте нозе ваша от препоясаннаго лентием Владыки, смирения образ тем явившаго, собеседницы на Вечери Тайней Христа Господа бысте. Темже величаем вас сице:

Радуйтеся, в горницу Сионскую яко под сень небесную вшедшии;

радуйтеся, честнаго омовения от Владыки Христа сподобленнии.

Радуйтеся, заповедь Господню: да будет последним хотяй первым быти — из уст Учителя вашего приемшии;

радуйтеся, Безкровныя Жертвы и словесныя службы великим Архиереем Завета Новаго, за весь мир приносимыя, участницы.

Радуйтеся, руками чистыми и усты нескверными хлеб жизни и веселия Божественнаго чашу от рук Тайновершителя Господа вземшии.

Радуйтеся, апостолов двоенадесятице, мира концы учением Христовым просветившии.

Кондак 8

Странное вещание своего Учителя и Господа, яко един от вас предатель имать быти, слышавша, смутистеся, святии апостоли, и скорбию и страхом одержими, «Кто есть сей?» Учителя вопрошасте. Егда же по малем часе сбытие слова сего страшнаго в сыне погибельнем яве открыся, духом сокрушенным принесосте Богу псалом: Аллилуиа.

Икос 8

Весь закон и пророцы, яже о Христе преднаписаша, того исполнение в честных страданиих, погребении, предивном восстании Спаса тридневнем и славнем видевше, глубину сия вся строившей премудрости Божественныя и разума не всю испытали есте тогда, бездну же судеб Господних не у постигли есте, зане просвещени Духом не бысте. Но в волю Христа Господа себе предавше, видением Того распята не соблазнистеся, воскресению достигосте, верно поклонистеся и научению Христову себе смиренно подклонисте, к послушанию веры и к разумению тайны любве Божественныя и нас, апостоли Христовы приведите, да поем вам тако:

Радуйтеся, яко не смутися сердце ваше, еже веровати в Бога распинаема;

радуйтеся, яко не в соблазн и не в безумие, но во спасение силою Божиею видение Креста Господня прияли есте.

Радуйтеся, не оставленнии сирыми по отшествии Владычнем;

радуйтеся, рождие живоноснии лозы Христовой.

Радуйтеся, яко о вас молитва Христова пролияся, да соблюдени будете от неприязни и священни во истину евангельскаго слова.

Радуйтеся, апостолов двоенадесятице, мира концы учением Христовым просветившии.

Кондак 9

Всю скорбь и печаль отъя Христос от сердец вас, другов своих, многочастне и многообразне денми четыредесятми являяся вам по воскресении Своем, с вами же ядый и пияй, и всяко уверяя о Своем славнем возстании, да будете свидетелие Ему даже до последних земли. Темже радостию несказанною исполнени бывше и тайнам Царствия Божия наученнии, союзом любве связуеми, единодушно бысте вкупе, глаголюще: Аллилуиа.

Икос 9

Витийства земнаго превышшее таинство восхода Господа на облацех на небо от горы Масличныя, апостоли Христовы, зрети приведеннии, тамо многолюбезны дары научения последняго, яко от Владыки мира, от Христа получисте, премирное благословение от Него приясте, во Иерусалим возвратистеся с радостию велиею, выну благословяще Бога. Тако о вас благоволившему Промыслителю мира величия дающе хвалы, согласно приносим вам, воспевая сице:

Радуйтеся, мир от Господа, вседшаго на облаки небесныя, приявшии;

радуйтеся, соединение горних с дольними в восходе Христове яве узревшии.

Радуйтеся, с собором безплотных возносящася от земли на небо восхвалившии;

радуйтеся, на горе восхождения Христова светообразному лица Его зраку последняя от земнородных боголепно поклонившиися.

Радуйтеся, имже заповедь научити языки слову Христову дадеся.

Радуйтеся, апостолов двоенадесятице, мира концы учением Христовым просветившии.

Кондак 10

Спасения путь ища обрести ученический лик, Тебе видя от земли взимаема, глаголаше: «Владыко, како ныне оставляеши рабы Твоя и камо идеши, рукама содержай концы?»; егда же услышасте Спаса, глаголюща: «Не оставлю вас, яже собрах, но послю вам Духа Пресвятаго; вы же, с высоты оболкшеся силою, идите во вся языки, глаголя вещания спасения». Темже убо в радости снидосте с горы Елеонския, славя Божественное вознесение Христово, творя: Аллилуиа.

Икос 10

Стены дома, идеже с Богоматерию апостоли святии беста, моляшеся о имени Христове, потрясеся свыше носиму дыханию бурну, егда в день пятидесятный, исполняя преждереченная, послал Христос Духа Святаго, иже и сошед на вы видом огненным, ужасом исполнь языков собрание; языки бо глаголющих кийждо свою беседу слышаше. Темже мы, наследницы тоя благодати, вас зарею богоначальною облистанных, апостоли богоноснии, славим:

Радуйтеся, яко по обетованию Христову яве крестистеся Духом Святым и огнем;

радуйтеся, яко бысте жилище пречистей благодати.

Радуйтеся, яко в вас естеством святыни своея вселися с небесе сила Духа, от Отца исходяща и в Сыне почивающа;

радуйтеся, во гласе дыхания Духом восхищеннии провещати величия Божия.

Радуйтеся, яко чрез ваша священныя главы огнь Утешителя Духа на землю сниде.

Радуйтеся, апостолов двоенадесятице, мира концы учением Христовым просветившии.

Кондак 11

Пение благодарственное Святей и Живоначальней Троице в явлении Духа Святаго принесше, святии апостоли, радости и всякаго ведения исполнистеся и дерзновение приясте, многими знаменьми и чудесы Церкве доброе начало положисте и велиею силою воздасте свидетельство воскресению Господа Иисуса, поя Богу: Аллилуиа.

Икос 11

Светоподательное проповедание ваше со смиренномудрием и многими слезами и напастьми исполняшеся; внимаху же народи глаголемым от вас единодушно, слышаще и видяще знамения от рук ваших бывающая, и крещахуся мнози. Вы же Церкви утверждасте, от места к месту преходяще, да и иным градовом благовестится слово Божие. Сего труда вашего ради взываем вам сице:

Радуйтеся, союзом любве Христовой связаннии, любовь и мир Церквем заветом вечным положившии;

радуйтеся, ига, егоже немощно бе понести, на выи ученик никакоже возложити восхотевшии.

Радуйтеся, всем вся бывшии, да всяко спасутся нецыи;

радуйтеся, посещати братию во всех градех, в нихже проповедасте Евангелие Христово, выну тщавшиися.

Радуйтеся, нощми и денми люди паствы своея непрестанно учившии.

Радуйтеся, апостолов двоенадесятице, мира концы учением Христовым просветившии.

Кондак 12

Благодати небесныя причастником и самовидцем Слова, еже по плоти Матере Его успение видети подобаше, еже на Ней таинство, яко не токмо Спасово от земли восхождение узрят, но и рождшия Его преставление свидетельствуют. Темже приспевшу дневи Богоматере отшествия отвсюду Богоначальным мановением апостоли собравшеся, Сиона достигше, и на небо предпослаша Вышшую Херувим, пение надгробное Пречистей творя Богокрасною песнию: Аллилуиа.

Икос 12

Поюще дивная дела ваша, болезнем и трудом евангельскаго благовестия дивящеся, честная ваша страдания почитаем, богоизбраннии апостоли: весь бо всюду мир проидосте, Евангелие Христово коленом всем, языком и странам проповедавше. Темже и мы славим вас вси:

Радуйтеся, мрежею словесною уловившии всякаго рода избранных;

радуйтеся, ихже словом врата смерти отверзахуся и отдаяху затворенная мертвецы.

Радуйтеся, Кровию Агнца от людей первенцы Богу купленнии;

радуйтеся, имже храм скинии свидения на небесех предуготовася.

Радуйтеся, Церкве Христовы великая славо.

Радуйтеся, апостолов двоенадесятице, мира концы учением Христовым просветившии.

Кондак 13

О, всехвальнии и богоблагословеннии апостоли, Христом нареченнии Его друзи и служения Церкве наследницы, вышняго престола окрест обстоящии в неувядаемых венцех! Моление наше, любовию к вам ныне пролиянное, приемше, сотворите всех Богу молитву, да соблюдет Церковь Cвою святую во единомыслии и мире, пастырем ея дарует святыню имени Его ревностно исповедати и веры нелицемерней дерзновение показати. Разсеянныя же ветром суемудрия чада да соберет во единое Царство и да сподобит тамо во свете неприступнем с собором вашим Ему немолчно воспевати: Аллилуиа.

Сей кондак глаголи трижды. Также икос 1-й и кондак 1-й.

Канон святым славным и всехвальным Двенадцати Апостолом

Пе́снь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма, Амали́кову си́лу в пусты́ни победи́л е́сть.

Припев: Святии апостоли, молите Бога о нас.

Боже́ственнии Уте́шителя орга́ни, возглаша́ющии Сего́ Боже́ственными всегда́ дохнове́ньми, воспе́ша пе́снь на́м, я́ко вои́стинну спаси́тельную, благосла́внии Христо́вы апо́столи.

На одре́ ле́ности слежя́, и в сме́рти грехо́вней неду́гом душе́вным лю́те иста́ем, посеще́ния мя́, сла́внии Христо́вы самови́дцы, сподо́бите.

Слава: И́же сло́вом безслове́сие разреши́вше язы́ков апо́столи, от безслове́сных дея́ний лю́те омраче́ное се́рдце мое́, Уте́шителя благода́тию, просвети́те, апо́столи.

И ныне, Богородичен: Де́ва по рождестве́ нетле́нна пребыла́ еси́, на́с ра́ди я́вльшагося на земли́, па́че сло́ва ро́ждшая: Его́же приле́жно моли́ просвети́ти ду́шы на́шя.

Пе́снь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище и утвержде́ние.

Гра́д Тво́й, Бо́же, слове́сных ре́к Твои́х тече́ния ученик, Влады́ко, свяще́нно возвеселя́ют.

Гра́ждане небе́снии, сослуже́бницы мы́сленным чино́м, всесла́внии апо́столи, вся́кия на́с ско́рби изба́вите.

Слава: Утверди́вый Христе́ слове́сная Твоя́ небеса́: утверди́ мя те́х моли́твами, на ка́мени Твои́х хоте́ний, я́ко благоутро́бен.

И ныне, Богородичен: Я́ко Ма́ти Тя́ мо́лит с ли́ком ученик, Го́споди, я́же Тебе́ чи́сто роди́вшая: да́руй на́м ми́лости Твоя́.

Седален, глас 4.

Свети́ла в конце́х, ученики́ Твоя́, Христе́, яви́л еси́, сия́ющия душа́м, су́щим во тме́, ра́зум Тво́й, Влады́ко, и, ле́сть и́дольскую те́х ра́ди омрачи́в, уче́ньми благоче́стия просвети́л еси́ ми́р. Те́х мольба́ми спаси́ ду́ши на́ша.

Пе́снь 4

И ныне, Богородичен: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Наве́л еси́ на мо́ре ко́ни Твоя́ избра́нныя, Человеколю́бче, злове́рия во́ды возмуща́ющыя, и все́м ра́зум Тво́й и́стинный возвеща́ющыя.

Зве́зды просвети́вше благоче́стием мы́сленную тве́рдь церко́вную, сла́внии апо́столи, от но́щи неве́дения, и прегреше́ний изба́вите мя́.

Слава: Я́вльшеся я́коже стре́лы изъощре́ни апо́столи, вра́жия разжже́ныя стре́лы зло́бы моея́ ны́не угаси́те, и помышле́ние мое́ утверди́те.

И ныне, Богородичен: Ду́шу мою́ огорче́ную я́дом, сопроти́внаго угрызе́нием, де́йственным врачева́нием исцели́, моли́твами, Христе́, Ро́ждшия Тя́ и свяще́нных апо́стол Твои́х.

Пе́снь 5

Ирмо́с: Ты́, Го́споди мо́й, Све́т в ми́р прише́л еси́, Све́т святы́й, обраща́яй из мра́чна неве́дения, ве́рою воспева́ющыя Тя́.

Ло́зы живо́тныя процвета́юще гро́здие, напои́ша все́х вина́ мы́сленнаго весе́лия, сла́внии апо́столи.

К све́ту за́поведей Бо́жиих наста́вите, апо́столи, и́же во тьме́ душе́внаго уны́ния безу́мно пребыва́ющыя.

Слава: Изба́вите на́с душе́вных прегреше́ний, и Суда́ бу́дущаго, и тли́ и бе́д, апо́столи блаже́ннии.

И ныне, Богородичен: Спаси́ мя, Бо́же, я́ко Человеколю́бец, спаси́ мя мольба́ми неизрече́нно Тебе́ роди́вшия, и все́х Боже́ственных апо́стол Твои́х.

Пе́снь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею Кро́вию.

Па́стыря до́браго богоизбра́нная овча́та, разсе́янная по ми́ру, волко́в вся́ко зве́рство во о́вчую кро́тость, ве́рою преложи́ша.

Боже́ственнаго рая́ древеса́ добропло́дная, преокая́нныя души́ моея́ все́ непло́дство во благопло́дие доброде́тельнаго нра́ва преведи́те, апо́столи.

Слава: Уя́звен бы́х сласте́й ору́жием и умро́х: и́же от Христа́ прие́мше сла́внии благода́ть воскреша́ти ме́ртвыя, умерщвле́нную окая́нную мою́ ду́шу оживи́те.

И ныне, Богородичен: Уста́ви души́ моея́ свире́пую бу́рю, Бо́же все́х ще́дрый, мольба́ми ро́ждшия Тя́ Богоро́дицы, апо́стол же и му́ченик Твои́х.

Кондак, глас 2:

Всечестну́ю и преблаже́нную па́мять ва́шу творя́щии ны́не, в пе́снех приле́жно вопие́м к ва́м: пресве́тлая и богозра́чная свети́ла ми́ра, возлю́бленнии ученицы́ Христо́вы двана́десяте, я́ко иму́ще к Нему́ дерзнове́ние, моли́теся за ны́, ва́м бо дана́ е́сть благода́ть исцеле́ний и грехо́в проще́ния, приле́жно у́бо Его́ моли́те грехо́в и напа́стей изба́витися на́м, да еди́наго Человеколю́бца, ва́с просла́вльшаго, прославля́ем.

Пе́снь 7

Ирмо́с: В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем опаля́еми, взыва́ху: благослове́н еси́ в хра́ме сла́вы Твоея́, Го́споди.

Кре́постию всесвяты́я про́поведи, неле́стнии апо́столи Христо́вы, пре́лести зи́му разруши́сте, и просвети́сте богоразу́мием ве́рных мудрова́ние.

Ми́ро благоуха́нное источа́юще всегда́ Боже́ственнии ученицы́, ми́ра у́мнаго благово́ния притека́ющих к ва́м испо́лните, и злосмра́дныя стра́сти отжени́те.

Слава: Растле́вшаго мя́ плотски́ми безме́стии, Сло́ва нетле́ннаго сла́внии ученицы́, спаси́те мя́ пою́ща: благослове́н еси́ в хра́ме сла́вы Твоея́, Го́споди.

И ныне, Богородичен: Ли́к а́нгельский, ли́к му́ченик и апо́стол Твои́х, Сло́ве, мо́лят всегда́, мно́гое благоутро́бия Твоего́, Человеколю́бче: все́х уще́дри Богоро́дицею, я́ко благоутро́бен.

Пе́снь 8

Ирмо́с: Ру́це распросте́р Дании́л, льво́в зия́ния в ро́ве затче́: о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те вся́ дела́ Госпо́дня Го́спода.

Уста́ огнедохнове́нная Христо́ва, и́же бездве́рная уста́ загради́вше, и спаси́тельное пропове́дание повсю́ду разсе́явше, от у́ст во́лка мы́сленнаго изба́висте вопию́щыя: вся́ дела́ Го́спода по́йте, и превозноси́те Его́ во вся́ ве́ки.

Воструби́те о́крест моея́ умерщвле́нныя души́ благогла́снии трубы́ Христо́вы, апо́столи сла́внии, и от гро́ба отча́яния и уны́ния лю́таго сию́ воздви́гните, во е́же пе́ти: вся́ дела́ Го́спода по́йте, и превозноси́те Его́ во вся́ ве́ки.

Слава: Мене́ зако́ны Твоя́, Христе́, попра́вшаго ума́ развраще́нием, мене́, Влады́ко, блу́днаго, во глубины́ попо́лзшася, и обы́чаю лука́вому при́сно рабо́тающа не пре́зри, ученико́в Твои́х мольба́ми.

И ныне, Богородичен: Мари́е Госпоже́ вся́ческих, облада́ема мя́ от зми́я, и согреша́юща всегда́ свободи́ моли́твами Твои́ми, и порабо́ти Христу́ в житии́ чи́сте воспева́ти: вся́ дела́ Го́спода по́йте, и превозноси́те во вся́ ве́ки.

Пе́снь 9

Ирмо́с: Ка́мень нерукосе́чный от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. те́м веселя́щеся, Тя́, Богоро́дице, велича́ем.

Ка́мение избра́нное, положе́ннаго во главу́ у́гла ка́мене, созда́сте все́х ве́рных сердца́, ка́менем ве́ры вра́жия созда́ния, апо́столи, разве́ргше.

Реши́ти и вяза́ти от Христа́ прие́мше вла́сть, разреши́те зо́л мои́х соу́з, и к любви́ Бо́жией привяжи́те, и Ца́рствия прича́стника Боже́ственнаго соде́лайте, апо́столи.

Слава: Боже́ственнии Влады́ки о́блацы, изсо́хшее мое́ се́рдце вся́ким лука́вым дея́нием Боже́ственными ту́чами ны́не напо́йте, и плодоно́сно покажи́те, апо́столи богоблаже́ннии.

И ныне, Богородичен: Со святы́ми А́нгелы, с Боже́ственными апо́столы, со сла́вными му́ченики, Твоего́ моли́ Сы́на и Бо́га, Богороди́тельнице Пречи́стая, от бе́д изба́вити ду́шы на́шя.

Молитва

Влады́ко Всемогу́щий, Го́споди Бо́же на́ш, избра́вый возлю́бленныя Своя́ ученики́ и апо́столы на про́поведь спасе́ния всему́ ми́ру, да́вый и́м вла́сть отпуща́ти грехи́! Приими́ хода́тайства и́х о ро́де челове́ческом, его́же и суди́ти с ни́ми и́маши, те́х са́мых, я́ко друго́в Твои́х, на́м зело́ честны́х, дерза́ем, недосто́йнии, в предста́тельство к Тебе́, многопоспешеству́ющее ко спасе́нию ду́ш на́ших приводи́ти, моля́ще и́х усе́рдно.

Святи́и первоверхо́внии апо́столи Пе́тре и Па́вле, евангели́сти Христо́вы Иоа́нне Богосло́ве и Матфе́е, первозва́нный учениче́ Андре́е, водруже́нием креста́ Росси́ю благослови́вый, апо́столи святи́и Иа́кове, бра́те Госпо́день, со други́м Иа́ковом, Фили́ппе, Варфоломе́е, Фомо́, Си́моне, Иу́до и Матфи́е! Вси́ святи́и богоизбра́ннии апо́столи, изря́днейшии уго́дницы Христо́вы, безбо́жия искорени́телие и ве́ры и́стинныя насади́тели! Помози́те на́м мо́щным ва́шим пред Го́сподем хода́тайством изба́витися от вся́каго зла́ и вра́жия ле́сти, тве́рдо же пре́данную ва́ми ве́ру Правосла́вную сохраня́ти, в не́йже ва́шим предста́тельством ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде́ поживе́м житие́ и сподо́бимся ви́дети блага́я на земли́ живы́х, сла́вяще Отца́ и Сы́на и Свята́го Ду́ха, Еди́наго в Тро́ице сла́вимаго и покланя́емаго Бо́га, ны́не, и при́сно, и во ве́ки веко́в. Ами́нь.

Канон святым славным и всехвальным Двенадцати Апостолом (2-й)

Пе́снь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Припев: Святии апостоли, молите Бога о нас.

Ли́к апо́стольский пе́ти ми́ жела́ющу, Христе́, моли́твами и́х, я́ко Бо́г, зарю́ Пресвята́го Ду́ха да́руй ми́ и све́т прему́дрости Твоея́.

Укре́пльшеся си́лою Твое́ю и благода́тию, Христе́, си́лу проти́вных вра́г разруши́ша честни́и Твои́ апо́столи, богови́дцы бы́вше неоску́дным к Тебе́ манове́нием.

Исцеле́ния творя́ще, Влады́ко, Твои́м и́менем, язы́ческая совокупле́ния Твои́м позна́нием улови́ша сла́внии апо́столи и све́том Твои́м просвети́ша.

Прему́дрости небе́сныя научи́вшеся, пресла́внии Христо́вы апо́столи, я́вственно, прему́дрии, обуи́сте многосло́вия нечести́вых поспеше́нием пропове́дания.

Богоро́дичен: От Тро́ицы Пребоже́ственныя Еди́наго, Пречи́стая, родила́ еси́, из Тебе́ пло́тию я́вльшагося по на́м, благоволе́нием ро́ждшаго И, и де́йством Ду́ха Пресвята́го, Де́во Ма́ти.

Пе́снь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Небе́сная и честна́я боговеща́юще на земли́ уче́ния, язы́ки о́гненными известву́юще, пропове́дницы Христо́вы, пре́дали есте́.

Показа́л еси́ небеса́ слове́сная — ученики́ Твоя́, Влады́ко, сла́ву Твою́ пове́дающия все́м конце́м.

Напи́сани бы́вше на небесе́х и я́вльшеся Христу́ ссе́льницы, чту́щих ва́с любо́вию ны́не, прему́дрии, сохрани́те.

Богоро́дичен: Всели́выйся в на́с, Иже в вы́шних живы́й, Пречи́стая, пло́ть бо прии́м от Тебе́ без се́мене, яви́ся.

Седа́лен, гла́с 4

Всели́вшеся во Све́те непристу́пнем, я́ко жили́ще Све́та су́щии, хра́м ва́ш святы́й просвеща́ете при́сно Боже́ственными пропове́дании. Те́мже ве́рою вопие́м: тмы́ на́с избавля́йте, и вся́ческих бе́д, и лю́таго язы́ческаго наше́ствия, умоля́юще Зижди́теля, апо́столи.

Сла́ва, гла́с 8: Вели́кия свети́льники и све́тлыя, верхо́вники я́вльшияся ученико́в, Петра́ восхва́лим и прему́драго Па́вла, и́бо, огне́м Боже́ственнаго возсия́вше Ду́ха, мглу́ пре́лести попали́ша всю́. Те́мже и вы́шняго Ца́рствия гра́ждане досто́йно яви́шася и благода́ти сопресто́льни. Сего́ ра́ди вопие́м и́м: моли́те Христа́ Бо́га согреше́ний оставле́ние дарова́ти пра́зднующим любо́вию святу́ю па́мять ва́шу.

И ны́не, Богоро́дичен: Яко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца млеко́м пита́еши Зижди́теля и Го́спода. Те́м, Ангельский и челове́ческий ро́д, досто́йно сла́вим пресвято́е Рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Пе́снь 4

Ирмо́с: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Глаго́лов боже́ственных апо́стол веща́ние огнеобра́зно про́йде вселе́нную всю́, ле́сти у́бо ве́щь попаля́ющее и просвеща́ющее благода́тию благочести́вых совокупле́ния.

Почерне́вший мра́ком безбо́жия ми́р богозра́чная свети́ла просвети́ша заря́ми благода́ти, ученицы́ Госпо́дни, я́вльшеся сия́нием пропове́дания.

Свяще́нными заря́ми просвеще́ни мы́сленнаго Со́лнца, я́ко со́лнце, в ми́ре сия́ете, прехва́льнии, све́том Боже́ственным пре́лести мглу́ отгоня́юще.

Же́зл си́лы иму́ще, Кре́ст Тво́й, сла́ное жития́ самови́дцы Твои́, Сло́ве, мо́ре пресеко́ша, я́ко ко́ни, смуща́юще многобо́жия во́ды.

Богоро́дичен: Укра́шена разли́чным светоли́тием, не́бо одушевле́нное Тебе́, Царя́ ца́рствующих, Христе́, Деви́ца Пречи́стая, ны́не я́ко Богоро́дица сла́вима е́сть.

Пе́снь 5

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Боже́ственныя Твоя́ и прему́дрыя служи́тели све́т показа́л еси́ в ми́ре, Тебе́, Незаходи́маго Све́та, все́м возвеща́ющия.

Иже вся́ку доброде́тель я́вственно проше́дше, апо́столи, разли́чныя бесо́вския зло́бы сплете́ния разруши́сте.

Яви́ша на́м Тро́ическое сия́ние во еди́нстве Божества́, о́гненными язы́ки веща́юще апо́столи.

Богоро́дичен: Тя́ ору́жие непобеди́мое на враги́ предлага́ем, Тя́ утвержде́ние и наде́жду на́шего спасе́ния, Богоневе́сто, стяжа́хом.

Пе́снь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Утверди́в ученики́ Твоя́, Спа́се, прему́дростию и чудесы́, си́льнейшия соде́лал еси́ е́ллинскаго буесло́вия, и си́х преле́стная разруши́ша веле́ния.

Боже́ственныя ре́ки прему́дрости напо́лниша спаси́тельных во́д удо́лия вся́ церко́вная, от исто́чник спаси́тельных струя́ми обога́щше.

Явльшеся живо́тныя зве́зды, прехва́льнии, разори́сте всю́ мра́чную пре́лесть светоза́рными сия́нии и богоразу́мия све́т возсия́вше.

Богоро́дичен: Всю́ Тя, голуби́цу соверше́нну и предобру́, све́тлый обре́т кри́н и удо́льный цве́т, о Богома́ти, Жени́х мы́сленный в Тя́ всели́ся.

Конда́к, гла́с 2

Ка́мень Христо́с ка́меня ве́ры прославля́ет све́тло, ученико́в преизря́дна, и с Па́влом ве́сь дванадесяточи́сленный собо́р дне́сь. Ихже па́мять соверша́юще ве́рно, си́х Просла́вльшаго прославля́ем.

Всечестну́ю и преблаже́нную па́мять ва́шу творя́щии ны́не, в пе́снех приле́жно вопие́м к ва́м: пресве́тлая и богозра́чная свети́ла ми́ра, возлю́бленнии ученицы́ Христо́вы двана́десяте, я́ко иму́ще к Нему́ дерзнове́ние, моли́теся за ны́, ва́м бо дана́ е́сть благода́ть исцеле́ний и грехо́в проще́ния, приле́жно у́бо Его́ моли́те грехо́в и напа́стей изба́витися на́м, да еди́наго Человеколю́бца, ва́с просла́вльшаго, прославля́ем.

Пе́снь 7

Ирмо́с: В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Сы́ны сотвори́в ученики́ Твоя́, Иже пре́жде естество́м Бо́г, любо́вию насле́дники показа́л еси́ оте́ческаго насле́дия, Преблаги́й, и ходи́ти с Тобо́ю, я́ко с Бо́гом и Влады́кою, изво́лил еси́.

Прему́дрости изли́тие, серде́чную широту́, язы́к доброглаго́лив, Сло́ве, пода́в боже́ственным ученико́м Твои́м, посла́л еси́ пропове́дати Ева́нгелие Ца́рствия все́м конце́м.

Явльшеся, я́ко о́блацы Бо́жия све́та, апо́столи все́м одождева́ют во́ду животворя́щую, зову́ще: благослове́н еси́ в хра́ме сла́вы Твоея́, Го́споди.

Богоро́дичен: Преукраше́нна Бо́жиею сла́вою яви́лася еси́, Пречи́стая, еди́на от ве́ка Сло́во Бо́жие заче́ншая, Ма́ти Де́во: благослове́нна Ты́ в жена́х, Всенепоро́чная Влады́чице.

Пе́снь 8

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Боже́ственный прему́дрый ли́к апо́стол Христо́вых огне́м Ду́ха, я́коже пле́велы, попали́ша многоразли́чная бесо́вская чти́лища и ве́рных сердца́ просвети́ша, вопию́ще: благослови́те, вся́ дела́ Госпо́дня, Го́спода.

Согла́сно боже́ственныя ученики́, Христо́вы апо́столы, я́же возгреме́вшия на́м Боже́ственная веле́ния, приста́нища ве́рных, благода́тели о́бщия челове́честву, Спа́су служи́тели почти́м.

Всечестны́я и вмести́тельныя сосу́ды доброде́телей, челове́ческия нача́тки, пропове́дания трубы́, пото́ки нетле́нныя жи́зни, богоно́сныя мо́лнии, исцеле́ний исто́чники, кра́сныя но́ги Ева́нгелия почти́м.

Богоро́дичен: По́лный Сы́й смиря́ется на́с ра́ди, да исполне́ния Его́ причасти́мся: в пречи́стое бо чре́во Твое́ вше́д Необыме́нный, от Оте́ческих не́др не отсту́пль, воплоти́ся. Те́м Тя́ вси́ благослови́м, Мари́е Богоневе́стная.

Пе́снь 9

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Реши́ти плени́цы прегреше́ний вла́сть прие́мше от Влады́ки, богови́дцы, воспева́ющих ва́с ми́лостивно грехи́ очи́стите и спасе́ния сподо́бите.

Вседухо́вную зарю́, су́щественно ва́м я́вльшуюся, вси́ восприя́сте, апо́столи сла́внии, в го́рнице научи́вшеся высо́ким пропове́данием и уче́нием, и ны́не досто́йно блажи́ми есте́.

Ва́м Христо́с ны́не, друго́м Свои́м почи́вшим, венцы́ подае́т неувяда́емыя и виде́ния Боже́ственнаго исполня́ет, Ему́же ны́не моли́теся Це́ркви вся́ спасти́.

Богоро́дичен: Пло́тию приити́ восхоте́в, украси́вый сло́вом вся́ческая в Тя́ всели́ся, еди́ну Святе́йшую все́х обре́те и Богоро́дицу показа́ и́стинную, Ма́ти Де́во.

Свети́лен

Ученико́в всечестну́ю двоенадеся́тицу ра́достно восхвали́ти стеце́мся, ра́дуйтеся, и́же всю́ подсо́лнечную обше́дше и язы́ков уло́вльше злове́рныя чреды́, научи́вшеся Боже́ственным.

Сла́ва: Двоенадесяточи́сленный ли́к дне́сь восхва́лим, вси́ ве́рнии, я́ко утверди́вшеся от ни́х, и Христу́ возопие́м: моли́твами и́х, Спа́се, ми́р Тво́й умири́.

И ны́не, Богоро́дичен: Мы́ о Тебе́ хва́лимся, Богоро́дице, и к Бо́гу Тя́ и́мамы предста́тельство: простри́ ру́ку Твою́ святу́ю и сокруши́ враги́ на́ша, Твои́м низпосли́ рабо́м по́мощь от Свята́го.

Стихи́ры, гла́с 4

Верхо́вное основа́ние апо́столов,/ ты́ вся́ оста́вив/ и после́довал еси́ Учи́телю,/ вопия́ Ему́: с Тобо́ю умру́,/ да и живу́ блаже́нную жи́знь./ Ри́ма же ты́ бы́л еси́ пе́рвый епи́скоп,/ превели́каго градо́в сла́ва и похвала́/ и Це́ркве, Пе́тре, утвержде́ние,/ и врата́ а́дова не одоле́ют вои́стинну ея́,/ я́коже Христо́с предрече́./ Его́же моли́/ спасти́ и просвети́ти ду́ши на́ша.

Иже из чре́ва ма́терня отлуче́н,/ ве́щнаго велича́ния тя́жести вся́кия избе́гл еси́,/ впери́вся раче́нием вои́стинну Боже́ственныя, Па́вле, любве́/ к высоте́ Боже́ственней,/ иде́же в пресве́тлый мра́к/ Боже́ственнаго све́та возше́дый,/ я́ко не́кий безпло́тный,/ неизрече́нных глаго́л обогати́вся уче́нии,/ и посла́лся еси́ су́щим во тме́,/ све́т пропове́дуяй Христа́ Бо́га на́шего./ Его́же моли́/ спасти́ и просвети́ти ду́ши на́ша.

Иже Све́т, Сы́й пре́жде все́х ве́к,/ егда́ изво́лил еси́ ко мне́, челове́ку, приити́/ неизрече́ннаго ра́ди человеколю́бия/ и пло́ть бы́ти за благосты́ню,/ тогда́ све́ты вторы́я Твоея́ све́тлости/ и мо́лния блеща́щая,/ апо́столы и ученики́ Твоя́,/ Спа́се, показа́л еси́./ Иже и, по́слани бы́вше,/ тва́рь всю́ Боже́ственным све́том Твои́м озари́ша,/ моля́ще Тя́/ спасти́ и просвети́ти ду́ши на́ша.

Пе́тре и Па́вле,/ Сло́ва де́лателие,/ Андре́е, Иа́кове и Иоа́нне прему́дре,/ Варфоломе́е и Фили́ппе,/ Фомо́ и Матфе́е,/ Си́моне, Иу́до, боже́ственне Иа́кове,/ всеми́рная всечестна́я ученико́в двоенадеся́тице,/ и́же в ми́ре пропове́давшии Всесвяту́ю Тро́ицу,/ естество́м Бо́га присносу́щнаго,/ Це́ркве неразори́мыя вои́стинну сте́ны/ и непоколеби́мии столпи́,/ Влады́це все́х моли́теся спасти́ся на́м.

Сла́ва, гла́с 8: Юже проидо́сте, тва́рь просве́щше, Спа́совы ученицы́, ле́сть и́дольскую, я́ко хвра́стие, попали́вше уче́нии ва́шими, язы́ки от неразу́мия глубины́ к Боже́ственному ра́зуму улови́вше, спасо́сте, и ны́не моли́теся Христу́, я́ко да ми́лостив на́м бу́дет в де́нь су́дный.

И ны́не, Богоро́дичен: Влады́чице, приими́ моли́твы ра́б Твои́х и изба́ви на́с от вся́кия ну́жды и печа́ли.

Источник